Bihar Municipal Election بہار بلدیاتی انتخاب میں اسفر احمد نے جیت درج کی

بہار میں میونسپل کارپوریشن انتخاب میں وارڈ نمبر 40 سبزی باغ سے اسفر احمد نے جیت درج کی ہے۔ اس وارڈ سے دو امیدوار اسفر احمد اور شہزادی بیگم میدان میں تھے۔ انتخاب میں اسفر احمد نے شہزادی بیگم کو3171 ووٹ سے شکست دی۔Bihar Municipal Corporation election

پٹنہ: بہار میں میونسپل کارپوریشن انتخاب کے لیے ڈالے گئے ووٹوں کی گنتی آج ہو رہی ہے، شہر پٹنہ میں صبح آٹھ بجے سے اے این کالج میں ووٹوں کی گنتی شروع ہوئی جس کے نتائج اب سامنے آنے لگے ہیں۔ پٹنہ میں کل 75 وارڈ ہیں، اس دفعہ میئر و ڈپٹی میئر کو بھی عوام نے سیدھے طور پر ووٹ کیا ہے جس کے نتائج دیر شام تک آجائیں گے۔ اے این کالج کے باہر امیدواروں کے حامیوں کا زبردست ہجوم ہے جہاں لوگ اپنے اپنے امیدوار کے بارے میں جاننے کی کوشش کر رہے ہیں۔Bihar Municipal Corporation election

وہیں انتخابی نتائج سب سے پہلے شہر کے وارڈ نمبر 40 سبزی باغ کا آیا ہے جہاں سے اسفر احمد نے جیت درج کی ہے۔ وارڈ نمبر 40 سبزی باغ مسلم اکثریتی حلقہ ہے، یہاں دو امیدوار اسفر احمد اور شہزادی بیگم کے درمیان زبردست مقابلہ تھا، اس وارڈ میں کل 5989 ووٹ پڑے جن میں اسفر احمد کو 4580 اور شہزادی بیگم کو 1409 ووٹ ملے، اس طرح سے اسفر احمد نے 3171 ووٹ سے جیت حاصل کی۔

جیت حاصل کرنے کے بعد اسفر احمد اپنے حامیوں کے ساتھ سب سے پہلے اپنے گھر پہنچے اور اپنے والدین کی دعائیں لیں، حامیوں نے پھول مالا اور مٹھائی کھلا کر اسفر احمد کا استقبال کیا۔ جیت درج کرنے کے بعد اسفر احمد نے ای ٹی وی بھارت سے بات کرتے ہوئے کہا کہ سب سے پہلے میں وارڈ نمبر 40 کی عوام کا شکریہ ادا کرتا ہوں جنہوں نے مجھے دوبارہ خدمت کرنے کا موقع دیا۔

انھوں مزید کہا کہ میں نے اپنے علاقے کے لیے بلاتفریق کام کیا ہے اور آگے بھی اسی طرح کرتا رہوں گا، میری پہلی ترجیح جو کام باقی ہیں اسے پورا کرنا ہے۔ اس کے بعد نئے منصوبے کے تحت وارڈ کو پہلے سے اور بھی زیادہ بہتر اور خوبصورت بنانا ہے۔