'بہار میں سیاسی جماعتیں عوام کو دھوکہ دے رہی ہیں'

اویسی نے کہا کہ 'نہ تو حکومت اپنی ذمہ داری پوری کررہی ہے اور نہ ہی حزب اختلاف اپنی ذمہ داری نبھا رہے ہیں۔ پہلے جے ڈی یو بی جے پی کے خلاف تھی، اب جے ڈی یو آر جے ڈی کے خلاف ہے۔'

بہار میں رواں برس ہونے والے اسمبلی انتخابات میں اسد الدین اویسی کی پارٹی اے آئی ایم آئی ایم نے سماج وادی جنتا دل کے ساتھ اتحاد کر لیا ہے۔

اے آئی ایم آئی ایم کے قومی صدر اسد الدین اویسی نے حکمران جماعت اور حزب اختلاف کو تنقید کا نشانہ بنایا۔

انہوں نے کہا کہ 'بہار میں سبھی سیاسی جماعت عوام کو دھوکہ دے رہی ہے۔

اویسی نے کہا کہ 'نہ تو حکومت اپنی ذمہ داری پوری کررہی ہے اور نہ ہی حزب اختلاف اپنی ذمہ داری نبھا رہے ہیں۔ پہلے جے ڈی یو بی جے پی کے خلاف تھی، اب جے ڈی یو آر جے ڈی کے خلاف ہے۔'

اسدالدین اویسی نے کہا کہ 'بہار میں سیلاب، جرائم، کورونا وبا کی وجہ سے زندگی بحرانوں کا شکار ہے۔ ریاست میں کچھ بھی صحیح نہیں ہے۔ یہاں نہ تعلیم ہے نہ روزگار۔'

انہوں نے کہا کہ اب لوگوں کو سہ فریقی اتحاد کی ضرورت ہے۔ عوام کو ایک نئے آپشن کی ضرورت ہے۔

وہیں اویسی نے کہا کہ جو بھی صاف ستھری سیاست کرنا چاہتے ہیں، ہم ان سب کو اتحاد کے لیے مدعو کرتے ہیں۔

واضح رہے کہ اسد الدین اویسی نے پٹنہ میں پریس کانفرنس کرکے سماجوادی جنتا دل کے ساتھ اتحاد کیا ہے۔ انہوں نے اپنے اتحاد کو یونائیٹڈ ڈیموکریٹک سرکلر الائنس (یو ایس ڈی اے) کا نام دیا ہے۔