ارریہ صدر ہسپتال کے ڈاکٹرز مختلف علاقوں میں ڈینگو سے تحفظ کے لیے ورکشاپ کا انعقاد کر رہے ہیں اور متاثر مریضوں کے لیے صدر ہسپتال میں خصوصی پانچ بیڈ کا وارڈ بھی بنایا گیا ہے تاکہ کوئی مریض آئے تو اس کا فوری علاج کیا جاسکے۔
ارریہ صدر ہسپتال نے اس بیماری سے متاثر مریضوں کے لیے پوری تیاری کر رکھی ہے، اسی ضمن میں ارریہ صدر ہسپتال میں آج ایک ڈینگو کا مریض داخل کیا گیا ہے۔ ضلع میں یہ ڈینگو سے متاثر پہلا مریض پایا گیا ہے۔
ہسپتال میں داخل مریض کا نام فرحان اعظمی ہے جو ارریہ شہر سے دس کیلو میٹر کی دوری پر واقع رام پور کودرکٹی گاؤں کا رہنے والا ہے۔
دراصل فرحان بھاگلپور میں رہ کر پڑھائی کرتا تھا، وہاں اس کی طبیعت اچانک بگڑنے لگی تب اس کے اہل خانہ اسے واپس گھر لے آئے۔
ارریہ صدر ہسپتال میں آج ایک ڈینگو کا مریض داخل نجی ڈاکٹر کے یہاں فرحان کا چیک اپ کرایا گیا جس میں یہ انکشاف ہوا کہ اسے ڈینگو کا مرض ہوا ہے۔ جس جے بعد فرحان کو بہتر علاج کے لیے ارریہ صدر ہسپتال کے ڈینگو وارڈ میں داخل کیا گیا جہاں خصوصی ڈاکٹروں کی نگرانی میں اشتیاق کا علاج کیا جارہا ہے۔
ارریہ صدر ہسپتال کے انچارج وکاس آنند نے بتایا کہ یہاں ڈینگو سے متاثر ایک مریض داخل ہوا ہے جو مائگریٹ (منتقل) ہو کر آیا ہے، یہاں خصوصی ڈاکٹروں کی نگرانی میں اس کا علاج چل کیا جارہا ہے، وقفے وقفے سے اس کا پلیٹ لیٹ چیک کیا جا رہا ہے، ہم لوگوں کی نظر مریض کے پلیٹ لیٹ پر لگاتار بنی ہوئی ہے۔
