پروگرام میں اسکول کے طلبا و طالبات، ابنائے قدیم کے ساتھ دانشوران و گارجین حضرات نے شرکت کی، پروگرام کے مہمان خصوصی ضلع تعلیمی افسر اشوک کمار مشرا نے اسکول کے احاطے میں رسم پرچم کشائی ادا کی۔
آفتاب عظیم نے شمع روشن کر پروگرام کا افتتاح کیا جبکہ مہمان اعزازی ضلع پریشد کے چیئرمین آفتاب عظیم عرف پپو عظیم نے شمع روشن کر پروگرام کا افتتاح کیا، اس مناسبت سے ابنائے قدیم نے اسکول کے بانی و ڈائریکٹر پروفیسر ایم اے ایم مجیب کو کیک کھلا کر منہ میٹھا کیا۔
اسکول احاطہ میں سلور جبلی پروگرام کا اہتمام اپنے استقبالیہ کلمات میں اسکول کے بانی پروفیسر ایم اے ایم مجیب نے کہا کہ 25' جنوری 1995 کو اس اسکول کا قیام عمل میں آیا، جس زمانے میں اسکول کی بنیاد ڈالی گئی تھی اس وقت ارریہ میں لڑکیوں کی تعلیم کا کوئی معقول نظم نہیں تھا'۔
انھوں نے مزید کہ اکہ ہم نے اسے اپنا ایک مشن بنایا کہ لڑکیوں کی تعلیم کا بھی ایک بہتر ادارہ ہونا چاہیے، تمام مشکلات کو عبور کرتے ہوئے آج یہ ادارہ اس نہج پر پہنچ گیا ہے جہاں سے اب تک ہزاروں کی تعداد میں طالبات تعلیم حاصل کر دوسرے حلقوں میں نمایاں خدمات انجام دے رہی ہیں۔
گرلس آئیڈیل اکیڈمی نے کیے تعلیمی سفر کے 25 برس مکمل ضلع پریشد کے چیئرمین آفتاب عظیم عرف پپو عظیم نے کہا کہ آج جو چیز ہم سوچ رہے ہیں ایم مجیب نے آج سے 25 برس قبل سوچا اور اسے نہ صرف عملی جامہ پہنایا بلکہ یہاں کے لوگوں کو لڑکیوں کی تعلیم کے تئیں ایک فکر پیش کی۔
انھوں نے مزید کہا کہ 'مجیب صاحب کی کاوش قوم و ملت کے وقف ہے اور پوری دلجمعی کے ساتھ یہ اپنے مشن پر گامزن ہیں، یہ پروگرام تین دن تک جاری رہے گا جس میں مختلف ثقافتی پروگرام پیش کرنے کے ساتھ ہی کوئز مقابلہ کے فاتحین کو اعزاز سے نوازا جائے گا۔
