ریاست بہار کے پٹنہ ہائی کورٹ نے آج آراءکے جگدیس پور بلاک میں واقع نابینا طلبا کے اسکول سے متعلق ایک عرضی پر سماعت کرتے ہوئے ریاست کے چیف سیکریٹری سے تین ہفتے کے اندر حلف نامہ دائر کر کے کی گئی کارروائی کی تفصیلی رپورٹ طلب کیا ہے۔
اطلاع کے مطابق راج کمار رنجن کے ذریعے نابینا طلبا کے اسکول کی فلاح کے لیے ایک عرضی دائر کی گئی تھی، جس میں کہا گیا تھا کہ اس اسکول میں پڑھنے والے 40 طلبہ کو کرائے کے ایک کمرے میں پڑھایا جارہا ہے جبکہ اسکول کے لئے زمین مہیا کرائی جا چکی ہے ۔
عدالت نے اس معاملے کی سنگینی کو دیکھتے ہوئے اس عرضی کو پوری ریاست کے نابینا اسکولوں کے لئے توسیع کر دی ہے۔
ہائیکورٹ نے تین ہفتہ کے بعد پھر سے اس معاملے کی سماعت کا وقت مقرر کیا ہے۔
