پٹنہ: یوم تعلیم پر تقریب کا انعقاد

بہار ریاستی حکومت نے مولانا ابولکلام آزاد کے یوم پیدائش کے موقع یوم تعلیم تقریب کا انعقاد کیا۔ ریاستی سنی وقف بورڈ نے اس تقریب کا اہتمام کیا۔

مولانا آزاد کے یوم پیدائش کے پیش نظر ملک بھر میں انہیں خراج عقیدت پیش کیا گیا۔

اس موقع پر تقریب کی صدارت کر رہے راجیہ سبھا رکن ڈاکٹر احمد اشفاق کریم نے اپنے خطاب میں کہا کہ 'مولانا ابولکلام آزاد ایک انجمن تھے۔ انہوں نے کہا کہ مولانا آزاد نے آئین کی تشکیل کے وقت اقلیتوں کے بنیادی حقوق کے لیے دفعہ 29 اور30 شامل کروا کر بنیادی حق دلوایا۔

ڈاکٹر احمد نے مزید کہا کہ 'مولانا آزاد قوم و ملت کی ترقی اور اخلاقیات کے متعلق فکر مند تھے انہوں نے اپنے رسائل اور جرائد کے ذریعہ قوم کی تربیت کی۔