ایمبولینس ایمپلائز یونین کے ملازمین نے انتباہ کیا ہے کہ اگر ایک ہفتے کے اندر پرانے ملازمین کو دوبارہ بلایا نہیں گیا تو وہ غیر معینہ مدت تک ہڑتال پرچلے جائیں گے۔
ایمبولینس ایمپلائز یونین کا ہیلتھ کمیٹی کے خلاف احتجاج ضلع ہیلتھ آفس کے سامنے ایک روزہ احتجاج پر بیٹھے ایمبولنس یونین کے رہنماؤں نے کہا کہ معاہدے کی خلاف ورزی محکمہ صحت اور سول سرجن کررہے ہیں۔
ملازمین کا کہنا ہے کہ اگر مطالبات پورے نہیں کیے گئے تو وہ غیرمعینہ ہڑتال کریں گے۔ اگر ہڑتال کے دوران کسی طرح کی ناگہانی حادثات پیش آتے ہیں تواس کا ذمہ دار محکمہ صحت ہوگی۔
اس دوران یونین کے سکریٹری منوج کمار نے کہا کہ گذشتہ 6 فروری 2019 کو سی ایس ڈی پی ایس، ڈی اے ایم ، اے سی او، ایئر پورٹ اتھارٹی اور یونین کے نمائندوں کے مابین بات چیت ہوئی تھی کہ ایئر پورٹ سے نئی ایمبولینس آنے کے بعد پرانے عملے کو رکھا جائیگا لیکن دوسرے دن ڈی پی ایس نے بغیر کسی اطلاع کے پرانے ملازمین کو معطل کردیا۔
انہوں نے کہا کہ فنڈ ہے یا نہیں یہ تو حکومت طے کرے گی اور کمپنی کو ایمبولنس چلانے کودی گئی ہے اس کو فنڈ سے کیا لینادینا ہے؟
اس احتجاج کی صدارت سکھدیو شرما کے ذریعے کی گئی اور اس موقع پر اشوک سنگھ، جتیندر بھارتی ، شریکانت کمار، شیام کمار، رویندر کمار اور منوج کمار موجود رہے۔
