گیا:عظیم اتحاد میں سب ٹھیک: کانگریس

کانگریس کے سنیئر رہنماء اکھلیش سنگھ نے منگل کو گیا میں واقع راجندر آشرم میں پارٹی کارکنان ورہنماؤں کے ساتھ ایک میٹنگ کرکے انتخابی تیاریوں کاجائزہ لیا، اس دوران انہوں نے رہنماؤں سے کئی اہم موضوع پر بھی گفتگو کی۔

ریاست بہار میں کانگریس کے سنیئر رہنماء اکھلیش سنگھ نے منگل کو گیا میں واقع راجندر آشرم میں پارٹی کارکنان ورہنماؤں کے ساتھ ایک میٹنگ کرکے انتخابی تیاریوں کاجائزہ لیا، اس دوران انہوں نے رہنماؤں سے کئی اہم موضوع پر بھی گفتگو کی۔

اکھلیش سنگھ نے سرکٹ ہاوس میں ای ٹی وی بھارت اردو سے بات کرتے ہوئے کہاکہ بہار میں عظیم اتحاد پوری مضبوطی کے ساتھ انتخاب لڑیگا، اس بار بہار میں عظیم اتحاد کی حکومت طے ہے۔ نتیش کمار اور ان کی حکومت کے خلاف ہر طرف ناراضگی ہے، انہوں نے کہا کہ کانگریس گزشتہ انتخاب سے زیادہ سیٹوں پر اس مرتبہ انتخاب لڑنے کا ارادہ ہے حالانکہ ان سے پوچھے جانے پر سیٹوں کی تعداد نہیں بتائی لیکن یہ ضرور کہاکہ گزشتہ اسمبلی انتخابات میں نتیش کمار ساتھ تھے ، اس لئے کانگریس کو کم سیٹیں ملی تھیں لیکن اس مرتبہ ایسا نہیں ہے ۔

اکھلیش سنگھ نے اس دوران رام بلاس پاسوان کو عظیم اتحاد میں آنے کی بھی دعوت دی اور کہاکہ رام بلاس پاسوان کی زمینی پکڑ ہے ، ایسے میں اگر وہ آتے ہیں تو اتحاد کو مزید مضبوطی حاصل ہوگی اور پہلے بھی وہ ساتھ رہ چکے ہیں ۔

انہوں نے عظیم اتحاد میں درار پڑنے کے سوال پر کہاکہ 'ایسا کچھ نہیں ہے ، محض یہ ایک افواہ ہوسکتی ہے، انہوں نے گیا دورے پر کہاکہ ڈیڑھ ماہ قبل پٹنہ کے صداقت آشرم میں کانگریس الیکشن کمیٹی کی ایک میٹنگ ہوئی تھی جس میں گیا کاجائزہ لینے کی ذمہ داری انہیں دی گئی تھی، کورونا وبا کی وجہ سے وہ نہیں آسکے لیکن آج آکر جائزہ لیا ہے ۔کانگریس کی حالت یہاں بہتر ہے