ریاست بہار کے ضلع مدھے پورہ میں جے این یو میں ہوئے تشدد کے خلاف طلبہ تنظیم، اے آئی ایس ایف اور اے وائی وائی ایف کی ضلعی اکائی کے مشترکہ سرپرستی میں بی پی منڈل چوک پر وزیر داخلہ امت شاہ کا مجسمہ نذر آتش کیا گیا۔
اس موقع پر اے آئی ایس ایف نیشنل کونسل کے ممبر و یونیورسٹی انچارج ہرش ورھن سنگھ راٹھور نے کہا کہ فیس میں اضافے کے خلاف دو ماہ سے مسلسل مظاہرہ کر رہے طلباء پر کچھ نقاب پوش افراد نے قاتلانہ حملہ کیا۔
جے این یو تشدد کے خلاف طلباء تنظیموں نے احتجاج کیا
انہوں نے کہا کہ جے این یو طلباء یونین کے صدر آشی گھوش پر قاتلانہ حملہ، یونین صدر سمیت 35 کی تعداد میں زخمی طلبا، ملک کی بہترین یونیورسٹی کے انتظامی نظام اور سکیورٹی سسٹم پر سوالات کھڑے کرتے ہیں۔
انہوں نے حکومت سے مطابلہ کرتے ہوئے کہا کہ ملزموں کی شناخت کرکے انہیں سزا دی جائے تاکہ دوبارہ کیمپس کو بدنام کرنے کی کوشش نہ ہو سکے۔