Brother in Law Arrested in Gaya Child Murder Case: گیا میں بہنوئی کو نہیں ملے 20 لاکھ تو کردیا برادر نسبتی کا قتل

ریاست بہار کے ضلع گیا میں ایک نابالغ بچے کی لاش برآمد ہوئی ہے۔ الزام ہے کہ بچے کے بہنوئی نے ہی قتل کیا ہے۔ بیس لاکھ روپے نہیں ملنے پر ملزم نے اپنے چھوٹے برادر نسبتی کا قتل Brother in Law Arrested in Gaya Child Murder Case کر دیا، واردات ایسی کہ روح کانپ جائے کیونکہ ملزم نے بچے کی دونوں آنکھوں کو بھی پھوڑ دیا، بچے کی پہچان نوادہ کے رہنے والے کے طور پر ہوئی ہے۔

گیا ضلع کے نیم چک بتھانی تھانہ علاقے سے منگل کو پہاڑی کے پاس ایک بچے کی لاش ملی ہے۔ اس کی اطلاع ملتے ہی مقامی تھانہ کی پولیس نے پہنچ کر لاش کو اپنے قبضے میں لے کر اس کی تفتیش کی۔Brother in Law Arrested in Gaya Child Murder Case

لاش کی پہچان میں پایا گیا کہ بچہ نوادہ ضلع کے آئی ٹی آئی کے قریب محلے کا رہنے والا سنیل کمار کا بیٹا ہے۔

بتایا جا رہا ہے کہ آٹھ جنوری کو گھر کے پاس سائیکل چلا رہا انشو نام کا بچہ اچانک غائب ہو گیا تھا۔ اس کی سائیکل سڑک کنارے ملی تھی۔ اس کے بعد بچہ کے دادا نے نگر تھانہ نوادہ میں تین لوگوں کے خلاف اغوا کا مقدمہ درج کرایا تھا۔

پولیس بچے کی تلاش میں تھی تاہم اس کو صحیح سلامت بازیاب نہیں کر سکی۔ آج گیا کے بتھانی میں بچے کی لاش برآمد ہوئی۔

ایس ایس پی ادتیہ کمار نے بتایا کہ ضلع گیا میں نوادہ کے بچے کی لاش برآمد ہوئی ہے۔

پولیس اپنے تھانہ علاقہ میں لاش ملنے کے بعد ضروری کاروائی کے ساتھ لواحقین اور نوادہ پولیس کو لاش سپرد کر دی ہے۔

گھر والوں کے مطابق 10 مارچ کو بچے کا یوم پیدائش تھا۔ بچے کے بہنوئی نے اپنے سسر سے 20 لاکھ روپے مانگے تھے۔ پیسے نہیں ملنے پر اس کو اغوا کر لیا گیا تھا۔ اس معاملے میں نوادہ ضلع کی پولیس نے بچے کے بہنوئی اندرجیت کمار، اس کے والد سنجے یادو، اس کے چچا وکاس یادو کو گرفتار کر لیا۔