بی جے پی آئی ٹی سیل کے کنوینر شبھم کمار کے مطابق گزشتہ انتخاب کے مقابلے میں اس بار جیت کے امکانات زیادہ نظر آ رہے ہیں۔
شبھم کمار کا کہنا ہے کہ پارٹی نے اس بار زمینی سطح سے تمام کارکنان کو جوڑنے کی کوشش کی ہے جس میں وہ کامیاب ہوتے نظر آتے ہیں اور بہت سے یادو ووٹرز نے بھی وزیر اعظم نریندر مودی کے کام کاج کو دیکھ کر انہیں ہی اگلا وزیراعظم بنانے کے لئے ووٹ ڈالے ہیں۔
ارریہ میں بی جے پی حامی لوگوں کا کہنا ہے کہ اس بار انتخاب میں مقامی بی جے پی امیدوار پردیپ کمار سنگھ کو دیکھ کر نہیں بلکہ مودی کے نام پر ان لوگوں نے ووٹنگ کی ہے۔
وہیں دوسری جانب آر جے ڈی حامیوں کا کہنا ہے کہ اس حلقہ سے پارٹی امیدوار سرفراز عالم کی صورتحال کافی مضبوط ہے اور وہ گزشتہ انتخاب کے مقابلے میں اس بار دو تہائی ووٹوں سے کامیاب ہوں گے۔
مقامی افراد کا کہنا ہے کہ اس بار بھی یہاں کے لوگوں نے نفرت بھری سیاست اور یہاں پر ہندو مسلم سیکھ عیسائی کے آپسی بھائی چارہ کے خلاف ذہنیت رکھنے والوں کے خلاف اپنے حق رائے دہی کا استعمال کیا ہے۔
آر جے ڈی و بی جے پی حامی اور آر جے ڈی حامی دیگر لوگوں کا کہنا ہے کہ مرکزی و ریاستی حکومت نے یہاں کے لوگوں کو ٹھگا ہے پھر بھی سرفراز عالم نے ایک سال کی معیاد میں بہت سارے کام کیے ہیں جس کی بنا پر یہاں کی عوام ایک بار پھر انہیں موقع دے گی۔
