کیمور: دوسرے کی جگہ پر امتحان دیتا پکڑا گیا طالب علم

ضلع کیمور میں دسویں جماعت کے امتحانات جاری ہیں، تو وہیں اس امتحان کے دوران بھبھوا کے بھوپیش گپت کالج کے ایک طالب علم کو دوسرے کی جگہ امتحان دیتے ہوئے پکڑا گیا۔

بہار کے ضلع کیمور میں دسویں جماعت کے امتحانات جاری ہیں، تو وہیں اس امتحانات کے دوران بھبھوا کے بھوپیش گپت کالج کے ایک طالب علم دوسرے طاب علم کی جگہ امتحان دیتے ہوئے پکڑا گیا۔

پکڑا گیا طالب علم روہتاس ضلع کے کوچس کا رہاٸشی بتایا جا رہا ہے۔

اس سلسلے میں بھبھوا ایس ایچ او رامانند منڈل نے بتایا کہ سنیچر کے روز پہلی شفٹ میں انگلش کے پیپر کا امتحان تھا۔ بھوپیش گپت کالج پر مجسٹریٹ چیکنگ کے دوران روہتاس ضلع کے کوچس تھانہ کا رہاٸشی راجو کمار کیمور کے شیو رام پور ہائی اسکول کے طالب علم پرمود سنگھ کی جگہ پر امتحان دیتے ہوئے پکڑا گیا۔

انہوں نے بتایا کہ پکڑے گئے طالب علم پر قانونی کارروائی کی جا رہی ہے۔