گیا: یوم فوج پرنوجوانوں کے درمیان دوڑ مقابلہ

ریاست بہار کے ضلع گیا میں فوج اور پولیس کی تیاری کرنے والے نوجوانوں نے بھارتی فوج کو یوم فوج پر سلام پیش کرتے ہوئے سرحد کی نگہبانی کے لئے شکریہ اداکیا۔

شہر گیا میں واقع گاندھی میدان میں فوج میں شامل ہونے کے لئے تیاری کرنے والے سینکڑوں نوجوانوں نے بدھ کو نوجوانوں کے اعزاز میں ریلی نکالی۔ گاندھی میدان سے نکالی گئی ریلی گیوال بیگہ روڈ، ریڈ کراس روڈ ہوتے ہوئے واپس گاندھی میدان میں پہنچ کراختتام پذیر ہوئی۔ اس دوران ریلی میں شامل نوجوانوں نے انڈین فوج ونیم فوجی دستہ زندہ باد کے نعرے بھی لگائے۔

نوجوان ہاتھوں میں قومی پرچم لئے ہوئے تھے۔ دوڑ مقابلہ کابھی کاانعقاد ہوا، جس میں لڑکے ولڑکیاں دونوں نے حصہ لیا۔

واضح ہوکہ یوم فوج کے موقع پر نکالی گئی ریلی کسی تنظیم یاپارٹی کی جانب سے نہیں تھی بلکہ فوج اور پولیس میں شامل ہونے کے لئے تیاری کرنے والے نوجوانوں کی جانب سے نکالی گئی تھی۔

نوجوانوں کو تیاری کرانے والے کوچ نیرج نے کہاکہ جوان ہمارے لئے سرحد کی نگہبانی کرکے ہمیں محفوظ رکھتے ہیں ۔آج انکے اعزاز میں ہم نے ریلی نکالی ہے اور دوڑ مقابلے کا انعقاد کیا ہے جس میں پانچ سوسے زائد لڑکے ولڑکیوں نے حصہ لیا ہے۔