عام انتخابات کے ساتویں اور آخری مرحلے کے لیے ووٹنگ جاری ہے۔ایک مرکز کے زیر انتظام سمیت سات ریاستوں کی 59 پارلیمانی حلقے کے لیے تقریباً10 کروڑ رائے دہندگان 918 امیدواروں کی قسمت کا فیصلہ کریں گے۔
آج سب کی نگاہ وزیراعظم نریندر مودی کے پارلیمانی حلقے بنارس پر ٹکی ہوئی ہیں، جہاں سے سنہ 2014 میں وزیراعظم نے 72 ہزار ووٹوں سے کامیابی حاصل کی تھی۔
وزیراعظم نے اپنے ٹوئٹ پیغام میں ووٹرز سے زیادہ سے زیادہ ووٹ ڈالنے کی اپیل کی ہے۔
آج مرکز کے زیر انتظام ایک سیٹ سمیت سات ریاستوں یعنی بہار، جھارکھنڈ، اترپردیش، مدھیہ پردیش، ہماچل پردیش،مغربی بنگال اور پنجاب میں عام انتخابات ہو رہے ہیں۔ ابتدائی مرحلے میں میں ریاست اتر پردیش کے وزیراعلیٰ یوگی آدیتہ ناتھ نے گورکھ پور میں پولنگ مرکز نمبر 246 پر اپنا ووٹ ڈالا۔ معروف کرکٹر ہربھجن سنگھ نے جالندھر کے گڑھی گاؤں میں ووٹ ڈالا۔ جمہوریت کے اس تہوار میں اہل سبھی لوگ حصہ لینا چاہتے ہیں، اس کڑی بھااگل لوک سبھا حلقہ کے جہاز قطعہ پولنگ بوتھ پر ایک 90 کی بوڑھی عورت بھی ووٹ دے کر اپنے حق رائے دہی کا استعمال کیا۔ مختلف پولنگ مراکز پر مختلف طرح سے لوگ ووٹ ڈالنے آ رہے ہیں، کہیں معذور ووٹ ڈال رہا تو کہیں کوئی باراتی کی شکل میں ووٹ ڈال رہے ہیں۔
