کشن گنج: کورونا کے 9 نئے معاملے، ضلع میں دفعہ 144 جاری

بہار کے ضلع کشن گنج میں کورونا مریضوں کی تعداد بڑھ کر اب 9 ہوگئی ہے۔ اسی کے پیش نظر ضلع میں دفعہ 144 جاری ہے۔ اس طرح سے بہار میں کل کورونا مریضوں کی تعداد 800 سے زائد ہوگئی ہے۔

ریاست بہار کے ضلع کشن گنج میں کورونا مثبت پائے گئے سبھی مریض ابھی حال ہی میں الگ الگ ریاستوں سے لوٹے ہیں جنہیں مختلف قرنطیہ سینٹر میں رکھا گیا ہے۔

کشن گنج سول سرجن سے ملی جانکاری کے مطابق سنگھیا سے ایک، کوچا دھامن سے دو، ٹھاکر گنج سے تین، کشن گنج ٹاؤن سے ایک اور بہادر گنج سے ایک کورونا مریض ملے ہیں۔ حالانکہ کشن گنج ٹاؤن کے مریض کو لے کر ایس ڈی ایم شاہنواز نیازی نے خلاصہ کیا ہے کہ دراصل یہ مریض کشن گنج سے سٹے بنگال کا باشندہ ہے جو باہر سے گھر لوٹنے کے دوران کشن گنج کا پتہ لکھوایا ہے۔ ادھر ایک ساتھ 9 کورونا مریضوں کے ملنے سے ضلع میں دہشت کا ماحول ہے۔

ایس ڈی ایم شاہنواز نیازی

وہیں ضلع انتظامیہ بھی اب پوری طرح سے مستعد ہوگئی ہیں۔ جن جن علاقوں میں کورونا مریض ملے ہیں وہ علاقہ پوری طرح سے سیل کر دیا گیا ہے۔ شہر کے بیشتر علاقوں میں دفعہ 144 نافذ ہے۔