بینک کسٹمر سروس سینٹر میں پانچ لاکھ کی لوٹ

بہار میں سیتامڑھی ضلع کے مہندوارہ تھانہ علاقہ کے کواہی چوک پر بدمعاشوں نے آج الہ آباد بینک کسٹمر سروس سینٹر کے دفتر سے پانچ لاکھ روپے لوٹ لئے۔

پولیس ذرائع کے مطابق الہ آباد بینک کسٹمر سروس سینٹر کے آپریٹر شترو دھن رائے کواہی چوک واقع اپنے دفتر میں تھے تبھی کار اور موٹر سائیکل پر سوار چھ بدمعاشوں نے دھاوا بولا۔ اس کے بعد بدمعاشوں نے آپریٹر کو اسلحہ کا خوف دکھا کر دفتر سے پانچ لاکھ روپے، موبائل فون اور لیپ ٹاپ لوٹ لئے اور فرار ہو گئے۔

اس سلسلے میں متعلقہ تھانہ میں ایف آئی آر درج کر کے معاملے کی تفتیش کی جارہی ہے ۔