گاڑی چیکنگ کے دوران 45 لیٹر شراب برآمد

بہار میں شراب بندی کے بعد بھی آئے دن شراب کاروباری پکڑے جاتے ہیں۔

ریاست بہار میں کٹیہار ضلع کے بارسوئی تھانہ علاقے میں گاڑیوں کی چیکنگ کے دوران پولیس نے ٹنی ڈگی کے راستے سالیمار جانے والی سڑک پر مغربی بنگال نمبر ہنڈئی ایکسنٹ سے 45 لیٹر ملکی اور غیر ملکی شراب کے ساتھ ایک شراب کاروباری کو گرفتار کیا۔

تھانہ افسر کے مطابق گرفتار اسمگلر کی شناخت منگن رویداس سے ہوئی ہے جس کو پولیس نے گرفتار کر کے مختلف دفعات کے تحت کارروائی شروع کر دی ہے۔
وہیں دوسرا معاملہ بارسوئی علاقے کے سودھانی او پی ایریا آلے پور گاؤں کا ہے جہاں 4 دن پہلے اجے کمار شاہ کے موبائل دوکان میں بدمعاشوں نے چوری کے واقعے کو انجام دیا ۔

واقعے کے بعد دکاندار اجے کمار نے سدھانی او پی پولیس تھانہ میں درخواست دے کر معاملے کی جانکاری دی جس کے بعد پولیس نے متاثرہ شخص کی تفتیش پر آج مبائل کے ساتھ بدمعاشوں کو گرفتار کرلیا۔

پولیس افسر پنکج کمار نے بتایا کہ اس سلسلے میں گرفتار نوجوان کا نام اختر عرف نورسید ہے جس کے پاس سے پولیس نے کل 12 موبائل اور 5 بیٹری برآمد کیا ہے اس واقعے میں ملوث دیگر بدمعاشوں کی بھی تلاش کر رہی ہے۔