مغربی چمپارن :نوجوان کی مسخ شدہ لاش برآمد

ریاست بہار کے ضلع مغربی چمپارن کے مفصل تھانہ علاقہ سے پولیس نے اتوار کو ایک نوجوان کی مسخ شدہ لاش برآمد کی ہے۔

پولیس ذرائع نے یہاں بتایاکہ منسا ٹولہ باشندہ اختر میاں کے بیٹے خالد (24 ) کو سنیچر کو اس کے دو تین دوست گھر سے بلاکر اپنے ساتھ لے گئے۔

دیر رات تک جب خالد گھر واپس نہیں لوٹا تو اہل خانہ نے اس کی تلاش وجستجو شروع کی۔

خالد کی کئی ٹکروں میں کٹی لاش صبح ایک بوری سے ملی۔

اس کے بعد معاملے کی اطلاع مقامی تھانہ کو دی گئی۔

ذرائع نے بتایاکہ معاملے کی اطلاع ملنے کے بعد موقع پر پہنچی پولیس ٹیم نے لاش پوسٹ مارٹم کیلئے سرکاری میڈیکل کالج ( جی ایم سی ایچ ) بیتیا بھیج دی۔

پوسٹ مارٹم کرائے جانے کے بعد لاش اہل خانہ کو سونپ دی گئی ہے۔

لاش کے پاس سے ایک خط ملا ہے جس میں یہ دھمکی دی گئی ہے کہ اگر زمینی تنازعہ کا حل نہیں کیا گیا۔

زمین پر قبضہ نہیں چھوڑا گیا تو اس سے بھی بڑا واقعہ انجام دیاجائےگا اور کنبہ کے سبھی لو گ اپنی جان گنوا بیٹھیںگے۔

اس معاملے کی جانچ کی جارہی ہے ۔