ملک بھر میں کورونا مریضوں کی تعداد مسلسل بڑھ رہی ہے۔ وہیں ریاست بہار کے ضلع دربھنگہ میں سوموار کو 18 نئے کورونا مثبت مریضوں کی تصدیق کی گئی۔ یہ سبھی پہلے سے ہی کورنٹائن سینٹر میں ٹھہرے ہوئے تھے۔
ڈی ایم نے بتایا ہے کہ 'سبھی مثبت مریضوں کو دربھنگہ میڈیکل کالج اسپتال میں منتقل کرا کر علاج کیا جارہا ہے۔'
وہیں اب دربھنگہ ضلع میں کل مثبت مریضوں کی تعداد 111 ہو گئی ہے۔ جس میں اچھی بات یہ ہے کہ 60 مثبت مریض اب پوری طرح سے ٹھیک ہو چکے ہیں، اب کل ایکٹیو مریضوں کی تعداد 51 ہے۔
واضح رہے کہ 'بہار میں کورونا انفیکشن تیزی سے پھیل رہا ہے۔ پیر کو 65 نئے معاملات کی تصدیق ہونے کے بعد ریاست بھر میں اب کل پازیٹیو مریضوں کی تعداد بڑھ کر 3872 ہوگئی ہے ۔ اس وائرس کی وجہ سے اب تک 23 افراد اپنی زندگی سے ہاتھ دھو بیٹھے ہیں۔ اسی کے ساتھ ہی۔
وہیں آج سے ریاست بھر میں لاک ڈاؤن 5.0 نافذ کر دیا گیا ہے۔ تاہم مرکزی حکومت کی ہدایت کے بعد اس بار بہت سارے علاقوں میں بہت نرمی دی گئی ہے۔
