گاڑیوں کی ٹکر میں 15 مزدور زخمی

مشرقی چمپارن میں دو گاڑیوں کے مابین ٹکر میں 15 تارکین وطن مزدور زخمی

موتیہاری: بہار میں مشرقی چمپارن ضلع کے پپرا کوٹھی تھانہ علاقے میں واٹ گنج کے نزدیک آج دو گاڑیوں کے مابین ہوئی ٹکر میں 15 تارکین وطن مزدور زخمی ہوگئے ۔

پولیس ذرائع نے یہاں بتایاکہ مدھوبنی ضلع کے بسفی بلاک واقع کیروارا گاﺅں کے رہنے والے 40 مزدور ہریانہ کی کسی کمپنی میں کام کرتے تھے ۔ دو دن قبل کنٹینر پر سوار ہوکر سبھی مزدور ہریانہ سے اپنے گھر مدھوبنی جارہے تھے، تبھی واٹ گنج گاﺅں کے نزدیک ان کی گاڑی بے قابو ہوکر سڑک کنارے کھڑے ایک دیگر ٹرک سے ٹکرا گئی ۔ اس واقعہ میں 15 مزدور زخمی ہوگئے ۔

ذرائع نے بتایاکہ سنگین طور سے زخمی پانچ مزدوروں کو موتیہاری بھیجا گیا ہے جبکہ دیگر کا علاج مقامی اسپتال میں کیا جارہا ہے ۔