بہار میں کورونا سے 14 ویں ہلاکت

بہار میں کورونا انفیکش کی وجہ سے آج ایک اور افراد کی موت ہوگئی۔ ضلع نالندہ میں کورونا سے متاثر ایک شخص کی موت ہوئی ہے۔ وزیر صحت منگل پانڈے نے کہا ہے کہ حالات قابو میں ہیں۔

عالمی ادارہ صحت (ڈبلیو ایچ او) نے کہا ہے کہ کورونا متاثر مریضوں کی تعداد میں اضافہ کے درمیان مختلف ریاستی حکومت کے ذریعہ لاک ڈاؤن میں دی گئی رعایت کی وجہ سے مستقبل میں حالات بگڑ سکتے ہیں۔ اس کے بعد سے ہی ریاست کی حزب اختلاف کی جماعتوں نے اس رپورٹ کو سنگین بتایا ہے۔ لیکن ریاست بہار کے وزیر صحت منگل پانڈے نے اس معاملے میں حالات کے قابو میں ہونے کا دعویٰ کیا ہے۔

وزیر صحت منگل پانڈے نے ڈبلو ایچ او کے انتباہ کے بارے میں اطلاع کی بات تسلیم کرتے ہوئے دعویٰ کیا ہے کہ ریاست میں حالات قابو میں ہے۔ مخصوص حالات میں لاک ڈاؤن میں رعایت دی گئی ہے۔ سماجی فاصلے کے علاوہ دوسرے احتیاطی تدابیر کیے جا رہے ہیں۔

وزیر صحت نے یہ اعتراف کیا ہے کہ کورونا سے سب سے زیادہ متاثر غیر مقیم مزدور ہو رہے ہیں اور یہ ایسے لوگ ہیں جو ہر حال میں اپنے خاندان سے ملنا چاہتے ہیں۔ انہیں کسی بھی صورت میں روکا نہیں جا سکتا ہے کیوںکہ وہ بہار کے بیٹے ہیں اور انکا بہار آنا بھی ضروری ہے۔

ڈبلیو ایچ او نے بہار سمیت دیگر ریاستوں کو آگاہ کیا ہے کہ اگر ان ریاستوں میں حالات پر قابو نہیں کیا جا تا ہے تو مستقبل میں حالات خراب ہو سکتے ہیں۔