بومئی سوپور میں لاش بر آمد

لاش کی شناخت ابھی نہیں ہوپائی ہے تاہم پولیس نے اس ضمن میں کیس درج کرکے تحقیقات شروع کی ہیں۔

شمالی کشمیر کے قصبہ سوپور کے بومئی علاقے میں پیر کی صبح اس وقت ہر سو سراسیمگی پھیل گئی جب کھیت سے ایک عدم شناخت لاش بر آمد کی گئی۔

سرکاری ذرائع نے بتایا کہ سوپور کے بومئی علاقے میں پیر کی صبح مقامی لوگوں نے کھیت میں ایک لاش دیکھی اور فوراً پولیس کو اس کے متعلق مطلع کیا۔

انہوں نے بتایا کہ اطلاع موصول ہوتے ہی پولیس کی ایک ٹیم جائے موقع پر پہنچ گئی اور لاش کو اپنی تحویل میں لے لیا۔

ان کا کہنا تھا کہ لاش کی شناخت ابھی نہیں ہوپائی ہے تاہم پولیس نے اس ضمن میں ایک کیس درج کرکے تحقیقات شروع کی ہیں۔

یو این آئی