کپواڑہ:جموں و کشمیر پولیس نے کپوارہ میں لائن آف کنٹرول کے قریب ٹیکری نار علاقے میں دو عسکریت پسندوں کو ہلاک کرنے کا دعوی کیا ہے۔ پولیس نے کہا کہ دونوں عسکریت پسندوں کی شناخت ابھی باقی ہے، جبکہ ہلاک شدہ عسکریت پسندوں کے قبضے سے اسلحہ و گولہ بارود ضبط کیا گیا ہے۔
تفصیلات کے مطابق بھارت۔پاکستان کے مابین جاری جنگ بندی کے درمیان جموں و کشمیر پولیس نے آج مچل کپواڑہ ضلع کے ٹیکری نار میں لائن آف کنٹرول کے قریب ایک تصادم میں دو عسکریت پسندوں کو ہلاک کرنے کا دعویٰ کیا ہے۔ پولیس نے بتایا کہ مارے گئے عسکریت پسندوں کی شناخت کا پتہ لگایا جا رہا ہے جبکہ ہلاک ہونے والوں کے پاس سے اسلحہ بھی برآمد ہوا ہے۔