سوپور سے عسکری معاون گرفتار

گرفتار شدہ عسکری معاون کی شناخت احسان الحق کھانڈے ولد نذیر احمد کھانڈے ساکنہ فیصل آباد سوپور نوپورہ کلاں کے طور ہوئی ہے۔ اس کے قبضے سے گولہ بارود برآمد بھی کیا گیا ہے۔

شمالی کشمیر کے ضلع بارہمولہ کے سوپور قصبہ کے ماڈل ٹاؤن میں سوپور پولیس اور سیکیورٹی فورسز نے عسکریت پسندوں سے وابستہ ایک نوجوان کو گرفتار کرنے کا دعویٰ کیا ہے۔
پولیس ذرائع کے مطابق چیکنگ کے دوران ٹی آر ایف تنظیم سے وابستہ ایک زمینی کارکن کی گرفتاری عمل میں لائی گئی ہے جس کی شناخت احسان الحق کھانڈے ولد نذیر احمد کھانڈے ساکنہ فیصل آباد سوپور نوپورہ کلاں کے طور ہوئی ہے۔ اس کے قبضے سے گولہ بارود برآمد بھی کیا گیا ہے۔
اس سلسلے میں سوپور پولیس نے ایک کیس درج کر کے مزید تفتیش شروع کی ہے۔

واضح رہے اس سے قبل گزشتہ روز جموں پولیس نے آئی ایس جے کے سے وابستہ ایک عسکریت پسند کو گرفتار کرنے کا دعویٰ کیا۔

حال ہی میں آئی جی پی کشمیر وجے کمار نے ایک پریس کانفرنس میں کہا تھا کہ عسکریت پسندوں کے معاونوں کے خلاف سخت کارروائی کی جائے گی کیونکہ یہ عسکریت کو پنپنے اور فروغ دینے میں کلیدی کردار ادا کرتے ہیں۔