سوپور: تین عسکریت پسند ایک پرانے کیس میں دوبارہ گرفتار

یہ تینوں نوجوان سنہ 2019 میں ایک کیس زیر نمبر 7/25،I A ,ACT,18/39 UAPA کے تحت گرفتار ہوئے تھے اور آج ان کو ایک بار پھر پولیس نے گرفتار کرکے جموں کی کوٹ بلال جیل منتقل کر دیا۔ اس کے نتیجے میں ان تینوں نوجوان کے اہل خانہ نے برہمی کا اظہار کیا۔

شمالی کشمیر کے ضلع بارہمولہ کے تحصیل وترگام رفیع آباد علاقے سے تعلق رکھنے والے تین نوجوانوں کو پرانے ایک کیس میں پولیس اور فوج نے مشترکہ کارروائی میں گرفتار کرکے جموں کے ایک کوٹ بلال جیل منتقل کر دیا۔

بتایا جاتا ہے کہ یہ تینوں نوجوان سنہ 2019 میں ایک کیس زیر نمبر7/25،I A ,ACT,18/39 UAPA کے تحت گرفتار ہوئے تھے اور آج پولیس نے ان کو ایک بار پھر گرفتار کرکے جموں منتقل کر دیا۔ اس کارروائی پر ان تینوں نوجوان کے اہل خانہ نے برہمی کا اظہار کیا۔

پولیس نے بتایا کہ 2019 میں 32 آر آر فوج، پولیس اور ایس او جی نے ان کے قبضہ سے ایک چائنیز پستول، میگزین، دو ہتھ گولہ اور پانچ گولیاں برآمد کی تھیں اور آج اسی سلسلے میں ان کو ایک بار پھر اپنے ہی گھروں سے گرفتار کرکے جموں جیل منتقل کر دیا گیا۔