بارہمولہ:سماج سے منشیات کی لعنت کو ختم کرنے کے لیے اپنی کوششوں کو جاری رکھتے ہوئے، پولیس نے بارہمولہ میں خاتون منشیات فروش سمیت 3 منشیات فروشوں کو گرفتار کرکے ان کے قبضہ سے ممنوعہ اشیاء برآمد کی ہیں۔ پولیس ذرائع کے مطابق پولیس اسٹیشن شیری کی ایک پولیس پارٹی نے ایس ایچ او پی ایس شیری کی سربراہی میں ڈی وائی ایس پی ہیڈکوارٹر بارہمولہ کی نگرانی میں سروس اسٹیشن کے قریب کچامہ میں قائم ایک چوکی پر دو افراد اور ایک خاتون کو روکا جو اسکوٹی بیئرنگ رجسٹریشن نمبر JK05-0116 پر کچامہ کی طرف آرہے تھے۔
یہ بھی پڑھیں:
شوپیاں میں منشیات فروش کے گھر سے چرس اور بھاری مقدار میں نقدی برآمد
تلاشی کے دوران ان کے قبضہ سے 776 گرام ممنوعہ ہیروئن برآمد ہوئی، جن کی شناخت بعد میں ریاض احمد غنی ولد غضن حسن، شوقین احمد غنی ولد جبار غنی دونوں ساکن بٹنگی بونیار اور سلیمہ بیگم زوجہ محمد اشرف کے نام سے ہوئی۔ اس دوران انہیں گرفتار کر کے پی ایس شیری منتقل کر دیا گیا ہے جہاں وہ زیر حراست ہیں۔ اسی مناسبت سے پولیس اسٹیشن شیری میں قانون کی متعلقہ دفعات کے تحت مقدمہ درج کر کے تفتیش شروع کر دی گئی ہے۔
اس موقع پر مقامی پولیس نے کہا ہے کہ جموں وکشمیر پولیس عام لوگوں سے گزارش کرتی ہے کہ اگر آپ اپنے آس پاس کہیں بھی منشیات فروشی یا کوئی اور جرم دیکھتے ہیں تو بلا جھجھک قریبی پولیس اسٹیبلشمنٹ سے رابطہ کریں یا 112 پر ڈائل کریں۔ لوگوں سے درخواست ہے کہ معاشرہ سے منشیات کی لعنت کو روکنے میں پولیس کے ساتھ تعاون کریں۔ ہم کمیونٹی ممبران کو یقین دلاتے ہیں کہ پولیس قانون کے مطابق مجرموں کے خلاف سخت کارروائی کرے گی۔
