Khelo India Winter Games گلمرگ میں کھیلو انڈیا کا تیسرا دن

گلمرگ میں کھیلو انڈیا سرمائی کھیلوں کے تیسرے دن نو مقابلے کھیلیں جائیں گے۔ Third Day of Khelo India Winter Games

گلمرگ: شمالی کشمیر کے گلمرگ میں کھیلو انڈیا سرمائی کھیلوں کا تیسرا ایڈیشن جاری ہے اور آج مقابلوں کا تیسرا دن ہے۔ جہاں ایک طرف تین روز بعد گلمرگ میں موسم خوشگوار نظر آرہا ہے وہیں کھلاڑیوں میں بھی خوشی کی لہر صاف نظر آ رہی ہے۔ آج یہاں تقریباً 9 مقابلے کھیلے جا رہے ہیں جن میں کئی مقابلوں کا سیمی فائنل ہونا بھی متوقع ہے۔ گزشتہ روز تیز رفتار ہواؤں اور برف واری کی وجہ سے گلمرگ کے کندوری ڈھلان پر کوئی بھی مقابلہ ممکن نہیں ہو پایا تھا تاہم آج موسم کی بہتری اور ہلکی دھوپ نکلنے کی وجہ سے کھلاڑی پر امید ہیں اور آج کے تمام مقابلے بر وقت منعقد ہونے کا امکان ہے۔ واضح رہے کہ کھیلو انڈیا گیمس کے دوسرے دن سنیچر کو برفانی طوفان نے کھیل سرگرمیوں میں رکاوٹ پیدا کردی تھی۔ اس پر آرگنائزرس نے احتیاطی طور پر کئی کھیل سرگرمیوں کو ممکنہ طور پر ملتوی کردیا تھا۔ برفانی طوفان کا بالائی علاقے کونگ ڈوری میں زیادہ اثر نظر آیا تھا۔ جس کی وجہ سے آرگنائزرس نے کونگ ڈوری میں اسکئنگ کے ساتھ کچھ دیگر کھیل سرگرمیوں کو بند کردیا تھا۔ یاد رہے کہ کھیلو انڈیا سرمائی کھیلوں کے تیسرے ایڈیشن کا انعقاد گلمرگ میں 10 فروری کو کیا گیا ہے اور یہ کھیل مقابلے 5 روز تک جاری رہیں گے ۔ ان کھیلوں میں ملک بھر کے تقریباً 15 سو کھلاڑی حصہ لے رہے ہیں اور اس میں 11 کھیل مقابلے ہوں گے۔ کھیلو انڈیا وونٹر گیمز کا پہلا ایڈیشن سنہ 2020 میں مشہور سیاحتی مقام گلمرگ میں منعقد ہوا تھا۔