Ambassador of Fit India Movement بارہمولہ کے پچیس سالہ نوجوان کو فٹ انڈیا موومنٹ کا ایمبیسڈر بنایا گیا

شمالی کشمیر کے ضلع بارہمولہ سے تعلق رکھنے والے پچیس سالہ نوجوان دانش منظور کو فٹ انڈیا موومنٹ کا ایمبیسڈر بنایا گیا ہے۔ دانش منظور تایکونڈو کھیل کے ساتھ گزشتہ دس برسوں سے وابسطہ ہیں اور انہوں نے مختلف چمپیئن شب میں نمایاں کارکردگی کا مظاہرہ کیا ہے۔ Ambassador of Fit India Movement

بارہمولہ:شمالی کشمیر کے ضلع بارہمولہ سے تعلق رکھنے والے پچیس سالہ نوجوان دانش منظور کو فٹ انڈیا موومنٹ کا ایمبیسڈر بنایا گیا ہے۔ دانش منظور تایکونڈو کھیل کے ساتھ گزشتہ دس برسوں سے وابسطہ ہیں اور انہوں نے مختلف چمپیئن شب میں نمایاں کارکردگی کا مظاہرہ بھی کیا ہے۔ تایکونڈو ایک اولمپک اسپورٹ ہے۔ دانش نے حال ہی میں ایک تایکونڈو چمپیئنشب اسرائیل میں بھی کھیلی اور اس کے بعد دانش کو فٹ انڈیا موومنٹ کا ایمبیسڈر بنایا گیا۔ Taekwondo Champion Danish Manzoor

ای ٹی وی بھارت کے ساتھ بات کرتے ہوئے دانش نے بتایا کہ وہ کافی خوش ہیں کیونکہ ایل جی منوج سنہا نے یہ اعلان کیا کہ انہیں فٹ انڈیا موومنٹ کا ایمبیسڈر بنایا گیا۔ انہوں نے بتایا کہ پڑھائی کے ساتھ ساتھ کھیل کود سحت کے لئے کافی ضروری ہے اور میں اپنے نوجوانوں کے لئے کچھ اچھا کرنا چاہتا ہو۔ ان کو میں پیغام دینا چاہتا ہو کہ صحت سے بڑھ کر دنیا میں کوئی بھی چیز نہیں ہے۔Ambassador of Fit India Movement

دانش نے بتایا کہ ان کے والدین نے کافی سپوٹ کیا اور جب بھی وہ ملک کے لئے اپنی نمائندگی کرتے تھے تو انہوں نے ہمیشہ تعاون دیا۔ انہوں نے مزید کہا کہ جموں کشمیر کے نوجوانوں میں کافی صلاحیت ہے اور وہ دنیا کے کسی بھی کونے میں اپنا لوہا منوا سکتے ہیں۔

واضح رہے کہ قومی کھیل کے دن فٹ انڈیا موومنٹ مہم کا آغاز کیا گیا تھا۔ صحت مند بھارت کی سمت میں اس مومنٹ کو ایک اہم قدم قرار دیا گیا ہے۔ بتا دیں کہ ملک میں ہر برس 29 اگست کو قومی کھیل کا دن منایا جاتا ہے کیوں کہ اس دن سنہ 1905 کو ملک کے عظیم ہاکی کھلاڑی دھیان چند کی پیدائش ہوئی تھی۔