سوپور : مچھواروں کے لیے ٹور کا اہتمام

اس دورے کا مقصد مچھواروں کو ٹرووٹ اور کارپ مچھلی کے بارے میں جانکاری فراہم کرنا ہے۔

شمالی کشمیر کے ضلع بارہمولہ کے سوپور قصبہ میں محکمہ فِشریز کی جانب سے سوپور اور دیگر مختلف علاقوں سے منسلک مچھواروں کے لئے ایک ٹور کا اہتمام کیا گیا۔

اس دوران اسسٹنٹ ڈائریکٹر فشریز سوپور محمد شفیع نے بتایا 'اس دورے کا مقصد ہمارے مچھواروں کو ٹرووٹ اور کارپ مچھلی کے بارے میں جانکاری فراہم کرنا ہے۔ ساتھ ہی انہیں جدید ٹیکنالوجی سے روبرو بھی کرایا جائے گا۔

انہوں نے بتایا 'ہم نے آج کم سے کم پچیس مچھواروں کو ٹور پر بھیجا ہے اور ہماری یہ کوشش آگے بھی جاری رہے گی۔ ہم مچھواروں کو جموں وکشمیر اور ملک کی مختلف ریاستوں میں دورے پر بھیجتے ہیں۔