نئی دہلی کے ایک نجی اسپتال میں کام کر رہے شمالی کشمیر کے سوپور قصبہ سے تعلق رکھنے والے ڈاکٹر شاہنواز کلو کی ایک سیلفی (فوٹو) ٹویٹر صارفین نے کافی پسند کی ہے۔
ڈاکٹر شاہنواز نے حال ہی میں میڈیکل گائون پر اپنی ایک تصویر (سیلفی) اپلوڈ کی تھی جس میں لگاتار ماسک پہننے کی وجہ سے انکے چہرے پر نشان پڑ گئے تھے۔
بعض صارفین نے انکی تصویر کو سافٹ وئیر کے ذریعے پھیر بدل کرکے سُپر مین (Superman) لباس - نیلی قمیص (اپرن)، لال گائون اور انگریزی حرف ایس (S) کے ذریعے خراج پیش کرکے انہیں ’ہیرو‘، ’سوپر‘ اور ’سوپرمین‘ کے القاب سے بھی نوازا۔
ڈاکٹر شاہنواز کی سیلفی کو ہزاروں کی تعداد میں ٹویٹر صارفین نے لائیک (Like) کیا ہے۔
