گلمرگ میں اب تک تقریباً ایک فُٹ برف جمع ہواہے جبکہ قریبی افروٹ پہاڑی اور اس سے منسلک دیگر چھوٹی پہاڑیوں پر ایک فُٹ سے زیادہ برفباری ہوئی ہے۔
برف باری سے گلمرگ میں موجود سیاحوں کے چہرے خوشی سے کھل اٹھے ہیں۔
واضح رہے کہ 2 اگست کو جموں و کشمیر انتظامیہ نے ایک ایڈوائزری جاری کی جس میں وادی کشمیر میں موجود امرناتھ یاتریوں اور سیاحوں کو فوری طور پر واپس لوٹ جانے کی ہدایت دی گئی تھی۔
ایڈوائزی جاری کرکے سیاحوں اور یاتریوں کو خبردار کیا گیا تھا کہ عسکریت پسندوں کے حملے کا خطرہ ہے، بعدزاں، پانچ اگست کو مرکزی حکومت نے جموں و کشمیر کی خصوصی حیثیت ختم کر کے ریاست کو مرکز کے زیر انتظام دو علاقوں میں تبدیل کیا ہے۔
گزشتہ ماہ 10 تاریخ کو انتظامیہ نے اس ایڈوائزی کو واپس لیا ہے۔
تاہم سیاحت کے شعبے سے تعلق رکھنے والے تاجروں کو اس بات کا خدشہ ہے کہ وادی کی غیر یقینی صورتِ حال کے پیش نظر سیاحوں کو دوبارہ راغب کرنا آسان نہیں ہو گا۔