اطلاعات کے مطابق جموں و کشمیر کے بالائی وا میدانی علاقوں میں گذشتہ شب سے درجہ کا سلسلہ جاری ہے۔
ای ٹی وی بھارت کے نمائندے نے بتایا کہ گلمرگ میں گزشتہ دو روز سے برفباری کا سلسلہ جاری ہے۔ ٹنگمرگ، بابا ریشی ،چندی لورہ ،کنزر اورکھئی پورہ میں 5 انچ سے زائد برف جمع ہو چکی ہیں جبکہ گلمرگ میں ایک فٹ سے زائد تازہ برف جمع ہوچکی ہے۔
ادھر گلمرگ ڈیولپمنٹ اتھارٹی نے گلمرگ سڑک کو آمدورفت کے قابل بنانے کے لیے اتوار کی صبح سے ہی سڑک سے برف ہٹانا شروع کیا جبکہ دن میں بھی کئی بار اندرونی سڑکوں سے برف ہٹانے کی مشین کو مصروف عمل پایا گیا۔
برفباری کے باوجود دن بھر ٹنگمرگ سے گلمرگ تک ٹریفک حسب معمول جاری تھا تاہم شام کو برفباری کا سلسلہ تیز ہونے کے بعد گلمرگ سے ٹنگمرگ تک جزوی طور ہی جاری رہا۔ برفباری کے نتیجے میں رات کے درجہ حرارت میں اضافہ ریکارڈ کیا گیا۔