پہلی بار بہرے اور گونگے نوجوانوں کے لئے تربیتی پروگرام

ایک سکی ٹرینر نے بتایا کہ باقی بچوں کی طرح ہی ان بچوں میں سیکھنے کی صلاحیت ہے اور یہ بچے جلدی سیکھ رہے ہیں۔

جموں و کشمیر یوتھ سروسز اور سپورٹس کی جانب سے پہلی بار بہرے اور گونگے نوجوانوں کے لیے گلمرگ میں سکی کورس کا اہتمام کیا جا رہا ہے۔

وادی کے مخلتف اضلاع سے آئے 12 افراد، جن میں لڑکیاں اور لڑکے شامل ہیں، کے لیے 15 دن کا کورس کرایا جا رہا ہے۔

اس کورس کا مقصد ان نوجوانوں کی حوصلہ افزائی کرنا ہے۔ ایک سکی ٹرینر نے بتایا کہ باقی بچوں کی طرح ہی ان بچوں میں سیکھنے کی صلاحیت بدرجہ اتم موجود ہے اور یہ بچے جلدی سیکھ رہے ہیں۔

انہوں مزید بتایا کہ ڈپارٹمنٹ اب ہر سال بہرے اور گونگے افراد کے لیے ایسے کورسز کا اہتمام کرے گا تاکہ ان نوجوانوں کی بھی حوصلہ افزائی ہو۔

تربیتی پروگرام میں شامل نوجوانوں نے متعلقہ محکمہ کی جانب سے اٹھایا جانے والے اس اقدام کو خوش آئند قرار دیا ہے۔