شافیہ مقبول کشمیر ایڈمنسٹریٹیو سروس امتحان میں کامیاب

شمالی کشمیر کے ضلع بارہمولہ کے سوپور قصبہ کے کرانکشون کالونی نگین باغ کے رہنے والی شافیہ مقبول نے کشمیر ایڈمنسٹریٹیو سروس کے امتحان میں کامیابی حاصل کی ہے۔

ای ٹی وی بھارت کے ساتھ بات کرتے ہوئے شافیہ مقبول نے بتایا کہ اس نے کشمیر ایڈمنسٹریٹیو سروس امتحان میں تیرہویں رینک حاصل کر کے نمایاں مقام حاصل کیا ہے۔

شافیہ کا کہنا ہے کہ اس کو بچپن سے ہی ایڈمنسٹریشن میں دلچسپی تھی اور آج وہ خواب پورا ہوا۔ اس کا کہنا ہے اس امتحان کی کامیابی کے لئے اس کو کافی محنت و مشقت کرنی پڑی اور اس کے والدین نے اس کو کافی سپورٹ کیا۔

شافیہ کا کہنا ہے کہ ہمارے کشمیر میں کافی صلاحیت ہے اور اس کو پانے کے لئے کافی محنت کی ضرورت ہے اور اگر ایک انسان من لگا کر کسی چیز کو پانے کی خواہش ظاہر کرے تو اللہ تعالی ضرور مدد کرتا ہے۔ شافیہ نے مزید کہا کہ وہ اس کامیابی سے بہت خوش ہے اور اس کا آگے کا مقصد آئی اے ایس افسر بننا ہے۔