اوڑی میں آتشزدگی، رہائشی مکان خاکستر

سرحدی قصبہ اوڑی میں آتشزدگی کے سبب رہائشی مکان اور اس میں موجود لاکھوں روپے مالیت کی املاک خاکستر ہوگئیں۔

شمالی کشمیر کے بارہمولہ ضلع کے نمبلہ، اوڑی علاقے میں ایک رہائشی مکان خاکستر ہوگیا۔

آگ کے سبب مکان اور اس میں موجود لاکھوں روپے مالیت کی املاک خاکستر ہوگئیں جب کہ حادثے میں کسی جانی نقصان کی کوئی اطلاع نہیں ہے۔

مقامی باشندوں نے بتایا کہ نمبلہ، اوڑی کے رہائشی شوکت علی منگل کے رہائشی مکان سے اچانک آگ گئی، جس نے آناً فاناً پوری عمارت کو اپنی زد میں لے لیا۔

انہوں نے مزید کہا کہ آگ کے سبب کوئی جانی نقصان نہیں ہوا تاہم آتشزدگی میں مکان اور اس میں موجود املاک راکھ کے ڈھیر میں تبدیل ہوگئیں۔