پٹن بارہمولہ میں عوام کا احتجاجی دھرنا

ریاست جموں و کشمیر کے شمالی قصبہ پٹن میں لوگوں نے سرینگر-مظفر آباد شاہراہ پر احتجاج کیا جس کے نتیجے میں ٹریفک کی آمد و رفت متاثر رہی۔

احتجاجی مظاہرین مانگ کر رہے تھے کہ ماموسہ، پٹن کے جان محمد بٹ کے قاتلوں کو جلد از جلد سزا دی جائے۔

لواحقین کے مطابق جان محمد 22مارچ کو لا پتہ ہوا تھا، بسیار تلاش اور پولیس میں رپورٹ درج کرنے کے باوجود جان محمد کا پتہ نہیں چل سکا، اور رواں ماہ کی 4تاریخ کو اسکی لاش ملی تھی۔

جان محمد کے لواحقین نے پولیس اور انتظامیہ الزام عائد کیا کہ وہ جان محمد کے قاتلوں کو پکڑنے میں لیت و لعل سے کام لے رہی ہے۔

احتجاجیوں کا کہنا تھا کہ جب تک قاتلوں کو پکڑ کر انہیں سزا نہ ملے وہ اپنا احتجاج یوں ہی جاری رکھیں گے۔