بجلی کے کھمبوں اور ترسیلی لائن کی خستہ حالی سے لوگ پریشان

بارہمولہ کے لوگوں کی سرکار اور محکمہ پی ڈی ڈی سوپور سے گزارش ہے کہ وہ علاقے میں بجلی کا نظام ٹھیک کریں تاکہ انہیں مزید مشکلات سے دو چار نہ ہونا پڑے۔

شمالی کشمیر کے ضلع بارہمولہ کے سوپور قصبہ کے تکیہ بل سے تعلق رکھنے والے لوگ بجلی کی ترسیلی لائنز سے کافی پریشان ہیں۔ مقامی لوگوں نے سرکار اور محکمہ پاور ڈیولپمنٹ ڈیپارٹمنٹ سوپور کے اوپر الزام عائد کیا کہ انہوں نے آج تک اس علاقے کے طرف غور نہیں کیا اور اس کی وجہ سے عوام کو کافی مشکلات کا سامنا ہے۔

لوگوں کا کہنا ہے کہ جو ان کے علاقے میں بجلی کے کھمبے ہیں وہ کافی پرانے ہیں اور وہ خستہ حال ہو چکے ہیں۔ انہوں نے کہا کہ گزشتہ تیس برسوں سے ان بجلی کے کھمبوں کو ٹھیک نہیں کیا گیا ہے۔ انہوں اس تعلق سے سرکار سے کئی بار گزارش کی کہ وہ ان کھمبوں کو ہٹا کر نئے کھمبے لگائے جائیں لیکن سرکار نے اسے نظر انداز کیا۔

مقامی لوگوں کی سرکار اور محکمہ پی ڈی ڈی سوپور سے گزارش ہے کہ وہ علاقے میں بجلی کا نظام ٹھیک کریں تاکہ انہیں مزید مشکلات سے دو چار نہ ہونا پڑے۔

اس ضمن میں ای ڈی وی بھارت نے ایگزیکیٹو انجینر پی ڈی ڈی سوپور طارق مقبول سے بات کی تو انہوں نے کیمرہ کے سامنے بات کرنے سے گریز کیا لیکن انہوں نے کہا کہ پردھان منتری سوبھاگیہ یوجنا کے تحت اس علاقے کو نئے سرے سے بجلی کے کھمبے اور ترسیلی نظام کو جلد از جلد بہتر کیا جائے گا۔