ضلع بارہمولہ کے بادام باغ، سوپور میں ناقص ڈرینیج نظام کے باعث سڑکوں پر پانی جمع ہونے سے لوگوں کو عبور و مرور میں دقتوں کا سامنا کرنا پڑ رہاہے۔
مقامی لوگوں کا کہنا ہے کہ علاقے کا ڈرینیج نظام ناکارہ ہونے کے سبب سڑکیں زیر آب رہتی ہیں۔ لوگوں کا کہنا ہے کہ معمولی بارشوں کے دوران علاقے کی رابطہ سڑکیں جھیل کا منظر پیش کرتی ہیں۔ انہوں نے محکمہ آر اینڈ بی پر ڈرین کی تعمیر میں ناقص مواد استعمال کرنے کا الزام عائد کیا ہے۔
ای ٹی وی بھارت کے ساتھ بات کرتے ہوئے مقامی باشندں نے بتایا کہ ناقص ڈرینیج نظام کے باعث سڑکیں ہمیشہ زیر آب رہتی ہیں جس سے لوگوں خصوصا طلبہ کو عبور و مرور میں کافی دقتیں پیش آتی ہیں۔
انہوں نے کہا کہ اس ضمن میں مقامی آبادی نے محکمہ آر اینڈ بی اور ضلع انتظامیہ کو ڈرینیج کی تعمیر کے دوران ناقص مواد استعمال کیے جانے سے متعلق کئی بار آگاہ کیا تاہم انکے مطابق ’’افسران نے جھوٹے وعدوں کے سوا کبھی ٹھوس اقدامات نہیں اٹھائے۔‘‘
اس ضمن میں مقامی باشندوں نے بادام باغ علاقے میں ڈرینیج کا پختہ انتظام کیے جانے کی گزارش کی ہے۔
