این آئی اے کی چھاپہ مار کارروائی جاری

این آئی اے نے آج شمالی کشمیر کے ہندوارہ علاقے میں چھاپہ مار کاروائی کی۔

اطلاعات کے مطابق ایجنسی نے ہندوارہ کے جگرپورہ علاقے میں جاوید احمد ڈار نامی ایک مقامی شخص کے گھر پر چھاپہ مارا۔ ایجنسی نے ان کی تحویل سے 2 موبائل فونز، ایک لیپ ٹاپ اور گاڑی کے دستاویزات ضبط کیے ہیں۔ جاوید احمد ڈار پاور ڈیولیپمنٹ ڈپارٹمنٹ میں ملازم ہیں۔

واضح رہے کہ این آئی اے کی کئی ٹیمیں کشمیر وارد ہوئی ہیں اور دیویندر سنگھ کیس کی پوچھ گچھ کر رہی ہیں۔ ایجنسی نے اتوار کی صبح سے جنوبی کشمیر کے شوپیاں ضلع کے کئی علاقوں میں چھاپہ مارے کارروائیاں انجام دیں جو آج دوسرے روز بھی جاری ہے۔

ایجنسی نے آج شوپیان ضلع کے کئی علاقوں میں چھاپہ ماری کی جن میں زیادہ تر چھاپہ عسکریت پسندوں کے گھروں پر مارے گئے اس دوران کچھ کاغذات، بینک پاس بک اور موبائل فونز ضبط کیے گئے ہیں۔

ادھر ایجنسی نے پہلے بار معطل شدہ ڈی ایس پی دیویندر سنگھ کی ترال میں واقع آبائی رہائش گاہ پر بھی چھاپہ مارا ہے۔ اس رہائش گاہ میں ان کے والدین رہتے ہیں۔
اس سے قبل سرینگر میں واقع رہائش گاہ پر کئی مرتبہ چھاپہ مارا ہے اور ان کے گھر سے 7.5 لاکھ روپیے ضبط کیا ہے۔