Minor Raped in Baramulla بارہمولہ میں نابالغ کے ساتھ جنسی زیادتی ، ملزم گرفتار

پولیس نے بارہمولہ میں ایک نابالغ لڑکی کے ساتھ جنسی زیادتی کے الزام میں ملزم کو گرفتار کیا ہے۔ اس حوالے سے مزید تفتیش جاری ہے۔

بارہمولہ:شمالی کشمیر کے بارہمولہ ضلع میں پولیس نے ایک نابالغ لڑکی کے ساتھ جسنی زیادتی کی شکایت درج ہونے کے چند گھنٹوں کے اندر ہی ملزم کو گرفتار کیا ہے۔

پولیس کے ایک ترجمان نے بتایا کہ پولیس اسٹیشن بارہمولہ کو ایک نابالغ لڑکی (نام مخفی) کی طرف سے تحریری شکایت موصول ہوئی تھی،جس میں کہا گیا تھا کہ اسے محمد عمر پرے ولد محمد امین پارے ساکن پرے محلہ سانگری نامی شخص نے اغوا کیا اور سانگری میں ایک ویران جگہ پر اس کے ساتھ جسنی زیادتی کی ہے۔

ترجمان کے مطابق پولیس اسٹیشن بارہمولہ نے اس حوالے سے قانون کی متعلقہ دفعات کے تحت مقدمہ درج کر کے تفتیش شروع کر دی۔تفتیش کے دوران پولیس نے تکنیکی اور انسانی ذرائع کا استعمال کیا اور سخت کوششوں کے بعد چند گھنٹوں کے اندر ہی ملزم کا سراغ لگا کر اسے گرفتار کر لیا گیا۔ ترجمان کے مطابق اس حوالے سے مزید طبی قانونی کارروائیاں کی گئی ہیں اور کیس کی مزید تفتیش جاری ہے۔

قابل ذکر ہے کہ گزشتہ چند برسوں کے دوارن وادی کشمیر کے مختلف اضلاع میں جرائم خاص طور پر خواتین کے خلاف بڑھتے جرائم کے پیش نظر عوام میں تشویش کی لہر دیکھنے کو مل رہی ہے۔