'نوجوانوں کو ڈیجیٹل مارکیٹنگ کی جانب راغب ہونے کی ضرورت'

ہنر مند نوجوانوں نے بتایا کہ یہ ایک ملٹی نیشنل آرگنائزیشن ہے جس کے لئے نہ تعلیم کی کوئی ضرورت ہے نہ ہی کوئی عمر کی حد ہے۔ اگر ضرورت ہے وہ صرف محنت، کوشش اور لگن کی تاکہ ڈیجیٹل مارکیٹنگ میں مستقبل محفوظ ہو سکے۔

شمالی کشمیر کے ضلع بارہمولہ کے تحصیل ہیڈکواٹر سوپور کے سینکٹورم اسکول میں ٹیم 64 نام کی کمپنی کی طرف سے ایک روزہ میگا ایونٹ کا انعقاد کرکے بے روزگار نوجوانوں کو پرائیویٹ سیکٹر میں اپنے روزگار کے مواقع ڈھونڈنے کی تلقین کی۔ ٹیم 64 میں کام کرنے والے ہنر مند نوجوانوں نے درس دیا کہ کشمیری نوجوانوں کو خود روزگار حاصل کرنے کے اہل ہونا ہوگا۔

انہوں نے کہا اس وقت ڈیجیٹل مارکیٹنگ کا دور ہے اور نوجوانوں کو اس کی جانب راغب ہونے کی ضرورت ہے۔

اس دوران میڈیا کے ساتھ بات کرتے ہوئے ہنر مند نوجوانوں نے بتایا کہ یہ ایک ملٹی نیشنل آرگنائزیشن ہے جس کے لئے نہ تعلیم کی کوئی ضرورت ہے اور نہ ہی کوئی عمر کی حد ہے۔ اگر ضرورت ہے وہ صرف محنت، کوشش اور لگن کی تاکہ ڈیجیٹل مارکیٹنگ میں مستقبل محفوظ ہو سکے۔

انہوں نے مزید کہا کہ اس وقت بہت سارے نوجوان ایسے ہے جو اس آرگنائزیشن سے روزگار حاصل کر رہے ہیں۔

اس موقع پر شرکا نے خوشی کا اظہار کیا اور اُمید ظاہر کی کہ آئندہ بھی اس طرح کے پروگرام منعقد کئے جائے گے۔