سوپور میں دو منشیات فروش گرفتار

جموں و کشمیر پولیس نے منشیات مخالف مہم کو جاری رکھتے ہوئے آج شمالی قصبہ سوپور کے ماگرے پورہ گاؤں میں دو منشیات فروشوں کو گرفتار کیا ہے۔

اطلاعات کے مطابق منشیات مہم کے تحت وارپورہ سوپور پولیس سٹیشن کے اہلکاروں نے ناکہ لگایا اور اس دوران دو منشیات فروشوں کو گرفتار کیا۔ ان دونوں سے پانچ سو گرام چرس برآمد کیا گیا ہے۔

گرفتار شدگان کی شناخت بشیر احمد بابا ولد خضر محمد اور شوکت احمد بٹ ولد عبدالخالق بٹ کے طور پر ہوئی ہے۔

اس سلسلے میں وارہ پورہ سوپور پولیس تھانے میں کیس درج کر کے ان کے خلاف کاروائی شروع کر دی ہے۔