بارہمولہ ایس ایس پی ٹریفک نے ٹریفک کی صورتحال کا جائزہ لیا

شمالی کشمیر کے ضلع بارہمولہ میں ایس ایس پی ٹریفک رورل رویندرا پال سنگھ نے بارہمولہ کا دورہ کیا۔ اس دوران انہوں نے ٹریفک کی صورت حال کا جائزہ لیا۔ Baramulla SSP Traffic Reviewed Traffic Situation

بارہمولہ:ضلع بارہمولہ ایس ایس پیٹریفک رورل رویندرا پال سنگھ نے بارہمولہ کے مختلف علاقوں کا دورہ کیا۔ اس موقعے پر ایس ایس پی ٹریفک نے بارہمولہ کے مختلف علاقوں کے ساتھ ساتھ مارکیٹ کا جائزہ لیا اور ٹریفک قوانین کی خلاف ورزی کرنے والوں کو جانکاری دی کہ اگر آپ لوگ قوانین کی خلاف ورزی کریں گے تو آپ کے ساتھ سختی سے نمٹا جائے گا۔ ان کے ہمراہ ڈی ایس پی ٹریفک مجاہد احمد کے ساتھ ساتھ محکمہ کے دیگر چھوٹے بڑے افسران بھی موجود تھے۔ اس دوران میڈیا کے ساتھ گفتگو کرتے ہوئے انہوں نے کہا کہ جو لوگ ٹریفک قوانین کی خلاف ورزی کرنے والے ہیں، ان کے خلاف سختی سے نمٹا جائے گا۔

انہوں نے کہا کہ میں گاڑی چلانے والوں کے ساتھ ساتھ بائک سواروں سے بھی گزارش کرتا ہوں کہ وہ ٹریفک قوانین کا خاص خیال رکھیں۔ انہوں نے مزید کہا کہ ہم نے بارہمولہ مارکیٹ میں یہ دیکھا کہ دوکانداروں نے سڑک پر قبضہ کر رکھا ہے اور جگہ جگہ سڑکوں پر Wrong parking کی گئی ہے جس سے عوام کو کافی مشکلات کا سامنا کرنا پڑتا ہے۔ انہوں نے بتایا کہ گذشتہ برسوں سے کشمیر میں سڑک حادثات میں کافی اضافہ دیکھنے کو مل رہا ہے اور اس کی سب سے بڑی وجہ موٹر سائیکل سوار ہیلمٹ کا استعمال نہیں کرتے ہیں اور ہم اب لگاتار کونسلنگ بھی کرتے رہتے ہیں۔