کشمیر: سب جج معطل، انکوائری کے احکامات صادر

اوڑی بار ایسوسی ایشن کی شکایت پر جموں و کشمیر ہائی کورٹ نے سب جج کو معطل کرکے انکوائری کے احکامات صادر کیے ہیں۔

بار ایسوسی ایشن اوڑی کی جانب سے شکایت موصول ہونے کے بعد جموں وکشمیر ہائی کورٹ نے ایک سب جج کو معطل کرنے کا فیصلہ لیا ہے۔

جمعرات کو ہائی کورٹ کے رجسٹرار جنرل جاوید احمد کی جانب سے جاری کیے گئے حکم نامے میں کہا گیا ہے کہ ’’شکایت موصول ہونے کے بعد فل کوٹ (Full Court) قرارداد پاس کی گئی اور سب جج اوڑی امتیاز احمد لون کے خلاف انکوائری کے احکامات صادر کیے گئے۔‘‘

اس کے مزید کہا گیا ہے کہ جب تک انکوائری مکمل نہیں ہوتی لون کومعطل کیا گیا ہے اور وہ رجسٹرار جوڈیشل سرینگر کے ساتھ اٹیچ رہیں گے۔

ہائی کورٹ نے لون کی جگہ کپوارہ ڈسٹرکٹ لیگل سروس اتھارٹی کے سیکرٹری نور محمد میر کو اوڑی کا نیا سب جج مقرر کیا ہے۔