بارہمولہ کے اولڈ ٹاؤن کو سول لائنز علاقوں سے جوڑنے کے لیے لکڑی کا پل 2014کے تباہ کن سیلاب میں میں بہہ گیا تھا۔
مقامی لوگوں کے مطابق ’’محکمہ آر اینڈ بی نے اس پل پر جدید طرز سے تعمیر کا کام شروع تو کیا ہے لیکن یہ منصوبہ پچھلے پانچ برسوں میں بھی پایہ مکمل کو نہیں پہنچ پایا۔
بارہمولہ اولڈ ٹاؤن کے تاریخی پل پر سست رفتاری سے کام لوگوں کا مطالبہ ہے کہ جنگی بنیادوں پر اس پل کی تعمیر کرکے عوام کی مشکلات کا ازالہ کیا جائے۔
مقامی باشندوں کو دریا کے دوسرے کنارے تک پہنچے کے لیے یا تو کشتیوں کی سہارا لینا پڑتا ہے یا پھر طویل مسافت طے کرنا پڑتی ہے، جس سے لوگوں کو خاص کر بچوں اور بزرگ شہریوں کو پریشانیوں کا سامنا کرنا پڑتا ہے۔
مقامی باشندوں نے انتظامیہ سے پُل کی تعمیر میں سرعت لانے کی اپیل کی ہے۔
