IED Found in Sopore سوپور تلبل میں برآمد آئی ای ڈی ناکارہ بنادیا گیا

ضلع بارہمولہ کے تحصیل ہیڈکوارٹر سوپور کے تلبل نامی علاقہ سے آئی ای ڈی برآمد کیا گیا ہے۔ جس کو سکیورٹی فورسز نے ناکارہ بنادیا۔ IED Found in Sopore Talbul

بارہمولہ: شمالی کشمیر ضلع بارہمولہ کے تحصیل ہیڈکوارٹر سوپور کے تلبل نامی علاقہ میں اس وقت تشویش کی لہر دوڑ گئی جب فورسز کو ایک خفیہ اطلاع ملی کہ تلبل علاقے میں سڑک کے بیچ ایک آئی اى ڈی کو نصب کیا گیا ہے۔ جس کے بعد پولیس، فوج اور سی آر پی ایف کی ٹیم نے مشترکہ طور پر اس آئی ای ڈی کو ناکارہ بنانے کے حوالے سے بم ڈسپوزل ٹیم کو طلب کیا اور اس آئی ای ڈی کو ناکارہ بنادیا گیا۔

اس علاقے میں فورسز نے فی الحال ٹریفک نظام کو معطل کردیا ہے تاکہ کوئی جانی یا مالی نقصان نہ ہو۔ تلبل سوپور کا وہ علاقہ ہے جہاں پولیس لائن اور سی آر پی ایف کے دفاتر بھی موجود ہیں۔ IED Found in Sopore Talbul

سکیورٹی فورسز نے بعد ازاں اس آئی ای ڈی کو بم ڈسپوزل اسکواڈ کی مدد سے ناکارہ بنادیا۔