جنسی ہراسانی معاملے میں پھسانے کے الزام میں دو گرفتار

پولیس نے بتایا 'خواتین عوامی مقامات جیسے بینکوں، دکانوں وغیرہ سے مردوں کا رابطہ نمبر حاصل کرتی تھیں اور بعد میں ان کو لالچ دینے / ہنی ٹریپ کرنے کے لئے فون کرتی تھیں۔

شملی کشمیر کے ضلع بارہمولہ کے سرحدی علاقہ اوڑی میں پولیس نے پیر کے روز ایک کنبے کا پردہ فاش کیا ہے جو لوگوں پر جھوٹے جنسی ہراسانی کے الزامات لگا کر پیسے وصولتے تھے۔
پولیس عہدیدار نے ای ٹی وی بھارت کو بتایا کہ فی الحال ملزم کو اس کی اہلیہ سمیت گرفتار کیا گیا ہے، دونوں کا تعلق اوڑی سے ہے۔
پولیس کے مطابق گرفتار شدگان سے کچھ موبائل فونز اور دستخط شدہ بینک چیک ضبط کیے گئے۔

پولیس نے بتایا 'ملزم خواتین عوامی مقامات جیسے بینکوں، دکانوں وغیرہ سے مردوں کا رابطہ نمبر حاصل کرتی تھیں اور بعد میں ان کو لالچ دینے / ہنی ٹریپ کرنے کے لئے فون کرتی تھیں۔ ان کی کال ریکارڈ کی جاتی تھی اور انہیں (ہنی ٹریپ کئے گئے شخص) کو دھمکیاں دی جاتی تھی کہ وہ انہیں جنسی طور پر ہراساں کرتے ہیں۔ بعدازاں ایک خاتون کا شوہر ان سے رقم وصول کرتا تھا۔'
پولیس نے اس سلسلہ میں ایک کیس درج کر کے تحقیقات کا اغاز کر دیا ہے۔