اوڑی: حادثے میں ایک شخص زخمی

جموں و کشمیر میں شدید بارش ہو رہی ہے اور اس کی وجہ سے اس یونین ٹریٹری کے مختلف علاقوں میں حادثات پیش آنے کی اطلاع موصول ہوئی ہے۔

شمالی کشمیر کے سرحدی علاقہ اوڑی کے گنگل میں پیش آئے سڑک حادثے میں ایک شخص کے زخمی ہونے کی اطلاع ہے۔

تفصیلات کے مطابق پوری وادی کی طرح قصبے اوڑی میں گزشتہ کئی روز سے شدید بارش ہوئی جس کے باعث شری علاقے میں ایک کار حادثے کا شکار ہوگئی جس میں ایک شخص زخمی ہوا۔

زخمی کو فورا نزدیکی ہسپتال میں داخل کرایا گیا۔ ان کی حالت خطرے سے باہر بتائی جا رہی ہے۔ بتایا جا رہا ہے کہ کار ڈرائیور کے قابو سے باہر ہو گئی جس کی وجہ سے یہ حادثہ پیش آیا۔

بتا دیں گزشتہ دو دنوں سے جموں و کشمیر میں شدید بارش ہو رہی ہے اور اس کی وجہ سے اس یونین ٹریٹری کے مختلف علاقوں میں حادثات پیش آنے کی اطلاع موصول ہوئی ہیں۔ ادھر بارش کی وجہ سے سرینگر جموں قومی شاہراہ پر کئی علاقوں میں چٹانیں کھسک گئی ہے، جس کی وجہ سے شاہراہ کو آمد و رفت کے لیے بند کر دیا ہے۔