شمالی کشمیر کے ضلع بارہمولہ کے سوپور قصبہ میں فروٹ منڈی رواں برس کے لیے شروع کی گئی ہے جہاں پر رمضان المبارک کے پیش نظر میوہ اور سبزی مناسب قیمتوں پر فراہم کی جارہی ہے جس سے لوگ کافی زیادہ خوش ہیں اور انتظامیہ کا شکریہ بھی ادا کررہے ہیں۔
فروٹ منڈی سوپور کے صدر فیاض احمد نے ای ٹی وی بھارت کو بتایا کہ ہم نے فروٹ منڈی کو شروع کیا اور اس وقت رمضان کا مہینہ جاری ہے، اس منڈی میں ہم نے مناسب قیمتوں پر چیزیں دستیاب کر رکھی ہیں تاکہ لوگوں کو کسی بھی قسم کی پریشانی نا ہو۔
انہوں نے بتایا کہ مارکیٹ سے منڈی میں ہر چیز کم قیمتوں پر دستیاب ہے اور تمام لوگوں منڈی سے خریدو فروخت کرنے کی دعوت دے رہے ہیں، تاہم مقامی لوگوں نے اس پہل کو کامیاب بتاتے ہوئے کہا کہ ہم کو بازاروں کے بالمقابل فروٹ منڈی میں کم قیمتوں پر پھل فروٹ دستیاب ہیں۔
