Published : Jan 9, 2024, 6:12 PM IST
بارہمولہ:سماج سے منشیات کی لعنت کو ختم کرنے کے لیے اپنی کوششوں کو جاری رکھتے ہوئے بارہمولہ پولیس نے بارہمولہ میں 4 منشیات فروشوں کو گرفتار کرکے ان کے قبضے سے ممنوعہ اشیاء برآمد کی ہیں۔
پولیس ذرائع کے مطابق پولیس پوسٹ دیلنہ کی ایک پولیس پارٹی نے آئی سی پی پی دیلہ کی سربراہی میں جوہامہ کانی پورہ میں قائم ایک چوکی پر ایک شخص کو روکا۔ تلاشی کے دوران ان کے قبضے سے 14 گرام براؤن شوگر جیسا ممنوعہ مادہ برآمد ہوا ہے۔ پولیس نے موقع پر ہی مذکوہ شخص کو گرفتار کیا ہے۔
اسی طرح پولیس چوکی میرگنڈ کی ایک پولیس پارٹی نے آئی سی پی پی میرگنڈ کی سربراہی میں جھیل بند پٹن پر قائم چوکی پر ایک اسکارپیو گاڑی زیر رجسٹریشن نمبر DL10CT-1577 کو روکا جس میں تین افراد سوار تھے۔ تلاشی کے دوران ان کے قبضے سے 28 گرام براؤن شوگر جیسا ممنوعہ مادہ برآمد ہوا۔
پولیس کے مطابق گرفتار شدگان کی شناخت زبیر احمد شیخ ولد گلزار احمد شیخ ساکن لاوے پورہ سرینگر، عمران حسین ملہ ولد غلام محمد ملہ ساکن یکمان پورہ اور محمد امین وازہ ولد منظور احمد وازہ ساکن شاہتول پورہ سنبل کے بطور ہوئی ہے۔پولیس نے گرفتار افراد کو پی ایس پٹن منتقل کر دیا گیا ہے۔پولیس نے ان کے خلاف پولیس اسٹیشن بارہمولہ اور پٹن میں قانون کی متعلقہ دفعات کے تحت مقدمات درج کرکے تحقیقات شروع کردی گئی۔
پولیس نے ایک بار پھر عوام سے منشیات کی بدعت کو معاشرے سے ختم کرنے کے لیے پولیس کا ساتھ دینے کی اپیل کی۔